ეკა  ჩიჩუა

Serenade
.

შემოდგომა... ჩვენი  შემოდგომა!

გრილი  ღამეების  და  ჟღალი  დღეების -
ყვითელი  ფოთლების  სურნელი!
ფრინველთა  გადაფრენა... ფერთა - გადაფერვა...
ცას  ჰკვეთენ  წეროების  გუნდები...

მედიდური  სიმშვიდის  მწველი  სინაზე
და  წვიმის  მოშხაპუნე  ფარდა...
შემოდგომის  ნაირფერ  ციმციმში -
ჩვენც  თავი  დავკარგეთ  ალბათ...

ეს  ხომ... სიზმარად  ვნახეთ!

დრო  კი, დღეებს  ითვლის...
და  კვლავ  მოუთმენლად  ელის,
როდის  ააჭრელებს  მთა-ბარს...
შემოდგომის  ფოთოლცვენა  ჩვენი!

​