ეკა  ჩიჩუა

Federico  García  Lorca / Canción  del  jinete
ფედერიკო  გარსია  ლორკა / მხედრის  სიმღერა
.
კორდობა -
ერთადერთია  ქვეყანაზე...

ჩემი  შავი  ცხენი... ცაზე  სავსე  მთვარე...
და  საგზლად  ზეთისხილი  უნაგირის  კავზე...
თითქოს  გზა  კი  ვიცი  და  მაინც
ვერ  მიმიღწევია  კორდობამდე...

ზენა  ქარის  ქროლა  ზედ - ზეგანზე...
შავი  ცხენი... წითელი  მთვარე...
და  თვით  მიქელ - გაბრიელი;
კორდობის  მაღალი  კოშკიდან, რომ -
ავად  მიბრიალებს  თვალებს...

ოჰ, გზა  უსასრულო!
ოჰ, ჩემი  უშიშარი  ცხენი  მოიშუშებს  კვლავ  იარებს...
ოჰ, მე  სიკვდილს  გადავყრილვარ  უწინ,
ვიდრე  თვალს  შევავლებ  კორდობის  ტანად  თაღებს!

კორდობა -
ერთია  ქვეყანაზე...

 

.